Kryedemokrati Lulzim Basha ka komentuar në RTSH humbjen e gjyqit me Beketin, ku Shqipëria do t’i duhet të paguajë 110 milionë euro.
Basha tha se Edi Rama është kapur në flagrancë duke kryer vepër të rëndë penale, për shkak se nuk i pëlqente linja editoriale e një televizioni, e ka kërcënuar fillimisht dhe pastaj i ka mbyllur televizionin
Sipas tij një prokurori e çliruar nga presioni politik do të kishte marrë të pandehur Ëngjëll Agaçin dhe Edi Ramën.
Lulzim Basha: Gjobat vijnë atëherë kur shteti ka bërë diçka të paligjshme. Në këtë rast siç është rasti i Beketit, Edi Rama është kapur në flagrancë duke kryer vepër të rëndë penale, për shkak se nuk i pëlqente linja editoriale e një televizioni, e ka kërcënuar fillimisht dhe pastaj i ka mbyllur televizionin. Kjo është një vepër penale të cilën normalisht një shtet me institucione do ta kishte hetuar, një prokurori normale duhet ta kishte hetuar. Sot normalisht një prokurori e çliruar nga presioni politik do të kishte marrë të pandehur Ëngjëll Agaçin dhe Edi Ramën. Dhe sipas informacioneve që kam, vendimi do të botohet i plotë shumë shpejt edhe një skorë zyrtarë të tjerë të cilët janë përgjegjësit për këtë gjobë prej 110 milionë eurosh. Natyrisht kjo nuk do të ndodhë tani edhe dy javë kjo nuk do të ndodhë edhe dy javë prokurorët do të hanë thonjtë ata prokurorët të thjeshtë me integritet që janë në sistem nga padurimi për të bërë detyrën e tyre me 25 prill pse, sepse drejtësia është nën thundrën e Edi Ramës por një nga avantazhet e 25 prillit është edhe çlirimi i drejtësisë nga ndërhyrja politike dhe një nga angazhimet e mija kryesore është që t’ja zgjidhim duart drejtësisë dhe ato pranga që ua lidhin duart sot prokurorëve dhe gjyqtarëve që në vend që ti ndëshkojnë, i mbrojnë pushtetarët e korruptuar dhe kriminelët dhe ndëshkojnë qytetarët e pafajshëm nesër do të bëjnë detyrën dhe duke bërë detyrën nesër atëherë do të mundësohet që gjoba të tilla të paguhen nga pasuritë e grabitura nga pushtetarët shqiptarë.
