Basha: Rama premton punëtorë nga Bangladeshi, unë do sjell investitorë nga Gjermania

Kryetari i Partisë Demokratike Lulzim Basha ditën e djeshme zhvilloi takime në Qarkun e Shkodrës. Kryedemokrati është pritur me brohoritje e flamuj blu nga mbështetësit e Partisë Demokratike.

Duke folur për uljen e investimeve në Shqipëri për shkak të taksimit, kreu i opozitës tha se ndërsa Rama e ka mendjen të sjellë punëtorë nga Bangladeshi, ai është i vendosur të sjellë investitorë nga Gjermania.

Gjatë takimit me të rinjtë u ngrit shqetësimi i kushteve të shkollave në zonat rurale si dhe për sfidat me të cilat u duhet të përballen nxënësve që vendosin të shkollohen në qytete.

“Kjo qeveri e ka lënë Shqipërinë në baltë dhe fëmijët e tyre në baltë. Kjo duket tek gjendja e arsimit universitar, që s’ka si të jetë më mirë kur gjendja e sistemit parauniversitar është siç e përshkrove ti. Në zona rurale ka paradokse të tilla, një mësues i përgatitur për një lëndë jep një lëndë tjetër. Kjo bëhet në fasadën e të ashtuquajturit portal. Shumë familje janë detyruar t’i çojnë fëmijët në shkolla private. Janë futur në borxhe,” shpreh Basha.

LEXO EDHE  Si do ndjehemi kur të vijnë edhe 10 “non grata” të tjera? Rama: Pse ma bën këtë…

Po ashtu, Basha theksoi se me të në krye të qeverisë, Universitetet do të kthehen në qendra të përgatitjes së profesionistëve. Ai theksoi edhe një herë se do të ndryshohet ligji për Arsimin e Lartë.