Kreu i Partisë Demokratike Lulzim Basha ka ndarë me ndjekësit e tij në rrjetet sociale momente nga takimet elektorale që zhvilloi ditën e sotme.
Basha ishte në Shkodër, Malësi të Madhe dhe në Vaun e Dejës, ku u takua me qytetarët, përfaqësues të bizneseve dhe të rinj.
Kryedemokrati u prit me entuziazëm nga mbështetësit e tij në këto zona. Në një shënim në Facebook Basha shkruan veç të tjerash se askush nuk do të jetë në gjendje të pengojë ndryshimin që po ndihet në të gjithë Shqipërinë.
“Sot isha me qytetarët e mrekullueshëm të Shkodrës, Malësisë së Madhe, Vaut të Dejës.
Ndryshimi po vjen!
Askush nuk do të jetë në gjendje të pengojë ndryshimin që po ndihet në të gjithë Shqipërinë!
Votoni për ndryshimin!
Votoni Partinë Demokratike, Aleanca për Ndryshim!” shkruan Basha krahas videos së publikuar.
