Dashamir Shehi, i ftuar në emisionin “Të Paekspozuarit” nga Ylli Rakipi në MCN TV, ka reaguar për fletën e votimit në zgjedhjet e 25 prillit, e cila nuk do të jetë me emrat e kandidatëve, por vetëm me numrat e tyre, ashtu siç e kërkonte Edi Rama.
Shehi tha se kjo e dëmton opozitën dhe u shpreh me ironi se nuk është më Dash Shehi, por u kthye në “numër”.
“S’ka më Dash Shehi, ka numër 3. Isha emër dhe u bëra numër. Kjo është grotestku, fundi… Sigurisht e dëmton opozitën dhe të gjithë sistemin demokratike”, tha ndër të tjera Shehi.
Kujtojmë se opozita preferonte variantin e fletës së votimit me emra, por kjo u rrëzua nga KAS.
