Pamjet e nervozizmit të Cristiano Ronaldos në Beograd për golin fantazmë që nuk u quajt i vlefshëm nga arbitri bënë xhiron e botës teksa lojtari hodhi shiritin e kapitenit në fushë në shenjë proteste ndaj gjyqtarëve.
Ai shirit nuk u mor nga asnjë lojtarë të Portugalisë e as të Serbisë dhe përfundoi në duart e zjarrfikësit serb, Djordje Vukicevic i pranishëm në stadium dhe qëpati një ide gjeniale për ta hedhur në ankand për bamirësi.
Zjarrfikësi serb shfrytëzoi një platformë komerciale serbe Limundo për ta nxjerrë në shitje dhe me ato para të ndihmonte në trajtimin e një foshjnjes 6 muajshe, Gavrilo Djurdjeviç i cili vuan nga një çrregullim gjenetik të quajtur Atrofia muskulare e shtyllës kurrizore dhe që prek muskujt që bëjnë të mundur lëvizjen përmes shtyllës kurrizore.
“Ky shirit i kapitenit të Ronaldos, që tërhoqi vëmendjen e gjithë botës, mund të bëhet i juaji nëse kontribuoni për bamirësi në këtë ankand”, ishte thirrja e Vukicevic për qytetarët serb.
Në fakt ankandi ishte goxha i suksesshëm pasi u grumbulluan afro 6 milionë dinarë ose 60 mijë dollarë që do të ndihmojnë vogëlushin të përballojë terapitë që do t’i mundësojnë rritjen sa më të shëndetshme. Një veprim për t’u vlerësuar ai i zjarrfikësit serb dhe lajmi i tij ka bërë xhiron e botës.