Ambasada amerikane në Tiranë dhe Delegacioni i Bashkimit Europian kanë uruar besimtarët katolikë për festën e Pashkëve.
Në rrjetet sociale, Ambasada e SHBA uron bluzat e bardha dhe të gjitha ata që në këtë ditë të shenjtë luftojnë me koronavirusin.
Ndërsa më tej shton: “Çdo ditë por sidomos sot le të festojmë shpresën & të shohim drejt fillimeve të reja!”
“Gëzuar Pashkët nga të gjithë ne në Ambasadën Amerikane! Urojmë një ditë të bekuar për të gjithë, sidomos për doktorët, infiermierët & të gjithë që në këtë ditë të shenjtë po luftojnë COVID-19! Çdo ditë por sidomos sot le të festojmë shpresën & të shohim drejt fillimeve të reja!”, thuhet në postim.
Ndërkohë një urim për besimtarët katolikë në Ditën e Pashkëve ka bërë edhe delegacioni i BE-së Shqipëri.
“Le të sjellë kjo Pashkë për ju paqe , shëndet dhe shumë optimizëm për ditët më të mira që vijnë”, shkruan në një postim në “Twitter”.
