Kreu i FRPD-së Belind Këlliçi ka akuzuar Veliajn se po ndërhyn në llogarinë personale të tij, duke i shtuar përlqimet në mënyrë artificiale nga llogari fantazmë nga Bangladeshi, Tanzania.
‘Vërejmë një numër të lartë pëlqimesh nga llogari fantazmë nga Bangladeshi, Tanzania dhe disa vende ekzotike, ku ka mbërritur lajmi se qeveria Rama ka hapur për ta vende pune në Shqipëri’, shkruan Këlliçi në Facebook.
Gjithashtu Këlliçi i ka bërë thirrje brigadës sulmuese të Veliajt, e stacionuar në bodrumet e Bashkisë Tiranë, që të ndalojë këto ndërhyrje të ulëta dhe ta zhvillojë përballë betejën elektorale.
Postimi i plotë i Belind Këlliçit:
Sot jam njoftuar nga stafi për një aktivitet të dyshimtë në faqen time në Facebook. Vërejmë një numër të lartë pëlqimesh nga llogari fantazmë nga Bangladeshi, Tanzania dhe disa vende ekzotike, ku ka mbërritur lajmi se qeveria Rama ka hapur për ta vende pune në Shqipëri.
Llogaritë fantazmë blihen online dhe i atashohen cilësdo faqe fejsbuku që dëshiron.
Me gjithë respektin për simpatizantët e Rilindjes në Bangladesh e më gjerë, i bëj thirrje brigadës sulmuese Erion Veliaj, e stacionuar në bodrumet e Bashkisë Tiranë, të ndalojë këto ndërhyrje të ulëta dhe ta zhvillojë PËRBALLË betejën elektorale.
Më 25 prill, kur të dilni nga flluska virtuale, do të përballeni me realitetin e humbjes.
