Hetuesit amerikanë zbuluan pas vdekjes së një biznesmeni mioner nga Michigan se ai bënte një jetë të dyfishtë, duke financuar një rrjet të fortë ndërkombëtar droge, i cili drejtohej nga një shqiptar i quajtur Ylli Didani, i cili furnizonte me drgoë nga amerika latine 15 shtete.
Nga hetimet e federalëve amerikanë rezultoi se biznemeni 50-vjeçar Marty Tibbitts dhe Ylli ishin duke ndërtuar një nëndetëse të quajtur “Torpedo”, të cilën do të përdornin për të trafikaur drogë përtej Atlantikut.
Jeta e dyfishtë që bënte biznesmeni amerikan, doli në pah gjatë hetimeve që po bëheshin kundër 43-vjeçarit shqiptar Ylli Didani, i cili ishte vënë prej kohësh nënë shënjestrën e autoriteteve pasi njihej si bosi i madh i drogës.
Didani u arrestua nga autoritetet javën e kaluar në Karolinën e Veriut.
Nga hetimet doli se shtetasi amerikan dhe Ylli Didani kishin planifikuar të ndërtonin një nëndetëse e cila do të ngjitej pas anijeve tregtare me anë të magnetit, dhe më pas do të përdorej për të transportuar drogë nga amerika latine në drejtim të Europës.
Madje për ndërtimin e nëndetëses pas hetimeve rezultoi se dy burrat kishin hapur një llogari bankare prej 18 mijë dollarësh në një bankë në Shqipëri.
Nga hetimet rezultoi se i gjithë operacioni për transprtin e drogës do të vlente 1.8 milionë dollarë, por vdekja e biznesmenit amerikan shkatërroi të gjithë planin për të organizuar trafikun e drogës.
Hetimet zbuluan gjithashtu se 753 kg kokainë e konfiskuar në 2019-n nga autoritete holandeze në Roterdam brenda në një kontenier që transportonte banane, i përkisnin të njëjtit grup ku bënin pjesë shqiptari dhe amerikani.
