Komisioni Qëndror i Zgjedhjeve ka miratuar fletën e votimit me emra duke rrëzuar kërkesën e Partisë Socialiste që kërkonte një fletë, ku kandidatët të identifikoheshin përmes numrave.
Përfaqësuesi i PS-së, Eridjan Salianji u shpreh se kjo fletë votim me emra shkakton vonesa në votim dhe numërim, duke vonuar procesin dhe duke rrezikuar sipas tij shëndetin e votueseve në kohë pandemie.
Kryekomisioneri Ilirjan Celibashi njoftoi rrëzimin e kërkesës së PS-së duke mos e marrë në konsideratë për ta shqyrtuar modelin e fletës së votimit me numër, ndërsa u shpreh se versioni final do të jetë me emra në versionin horizontal.
Madhësia e fletës nuk ndryshon nga qarku në qark 30×60, por madhësia e shkrimit ndryshon nga një qark në tjetrin për shkak të numrit të kandidatëve.
Emrat në Tiranë janë me gërma më të vogla për shkak se janë 36 kandidatë.
