Ndeshjet e marsit, presidenti Duka: Paraqitja e ekipit negative, vuajmë në ndërtimin e aksioneve

Presidenti i Federatës Shqiptare të futbollit, Armand Duka, pas kthimit nga San Marino, ku u zhvillua edhe ndeshja e tretë kualifikuese për Kampionatin Botëror “Katar 2022” ka folur mbi ndeshjet e zhvilluara nga Shqipëria.

Në një prononcim për mikrofonin e A2 CNN, presidenti Duka u shpreh se Kombëtarja duhet të zhvillojë lojë më të mirë në vazhdim dhe duhet të përgatitet më shumë për të arritur objektivin e vendosur. Gjithashtu, kreu i qeverisë së futbollit shqiptar foli edhe për çështjen “Bajrami”, kundërshtaret e drejtëpërdrejta si Polonia e Hungaria si dhe për trajnerin Reja.

Paraqitja e skuadrës dhe pikët? – Bilanci i pikëve, duke marrë parasysh kundërshtarët ishte brenda pritshmërive. Ndërsa bilanci i paraqitjes së ekipit nuk ishte pozitiv, në të treja ndeshjet, sidomos në të fundit. Vuajmë për të ndërtuar diçka kundër kundërshtarëve që duhet t’i “zbërthesh”. Kemi pak kualitete, sidomos në mesfushë, kështu që duhet të mendojmë më mirë për të ardhmen. Paraqitja në ndeshjen e fundit është larg pritshmërive tona. Nuk mund të shkojmë aty ku ne synojmë.

Paraqitja e skuadrës dhe pikët? – Bilanci i pikëve, duke marrë parasysh kundërshtarët ishte brenda pritshmërive. Ndërsa bilanci i paraqitjes së ekipit nuk ishte pozitiv, në të treja ndeshjet, sidomos në të fundit. Vuajmë për të ndërtuar diçka kundër kundërshtarëve që duhet t’i “zbërthesh”. Kemi pak kualitete, sidomos në mesfushë, kështu që duhet të mendojmë më mirë për të ardhmen. Paraqitja në ndeshjen e fundit është larg pritshmërive tona. Nuk mund të shkojmë aty ku ne synojmë.

Ndeshja kundër San Marinos– Mundet edhe skema të çojë diçka përpara, por 11 lojtarët në fushë nëse kanë kualitet dhe ndërtojnë më mirë mund të japin më shumë, mund të rrezikojnë më shumë. Të marrësh 3 pikë me San Marinon, realisht nuk është një gjë shumë e vështirë, megjithëse mund të ndodhte që edhe t’i humbësh ato. Mendoja që do të kishim një lojë më bindëse, akoma më spektakolare për shikuesit, që edhe t’i kënaqte. Unë nuk besoj se i kemi kënaqur dje. Gjithsesi në futboll mbahen mend pikët dhe ne ato 6 pikë i kemi marrë. Dhe le ta shohim pozitivisht nga këndvështrimi i pikëve për të krijuar një atmosferë akoma më të mirë në ndeshjet e shtatorit kryesisht zyrtare dhe për kualuduar më mirë në ndeshjet miqësore ndaj Uellsit dhe Republikës Çeke në qershor.

LEXO EDHE  VIDEO/ “I paska ngjarë mamit për futboll”, tifozët tallen me djalin e David Beckham

Kundërshtaret në grup? – Të dyja, edhe Polonia edhe Hungaria kanë skuadra shumë të mira. Kanë bërë edhe rezultate edhe lojëra shumë të mira, megjithëse mbrëmë nuk i pashë dot, ndeshjen Angli-Poloni. Por nga rezultati duket të ketë qenë një lojë e fortë. Polonia ka shumë kualitete, ndërsa Hungaria ka një skuadër. Atë që duhet të kemi edhe ne. Nëse do të kemi një skuadër më kompakte, nëse do të kemi pak kualitet në mesfushë, mund të arrijmë kundër të dyjave të kemi rezultate pozitive në shtator.

Nedim Bajrami? – Akoma nuk kemi një vendim për këtë. Nuk kemi marrë një përgjigje për këto tre ndeshje, por gjithsesi edhe nëse është aktivizuar, në gjykimin tim, rregullorja thotë që deri në Kombëtaren U-21 pavarësisht nga mosha dhe Kombëtarja U-21 vazhdon kompeticionin e saj, pavarësisht se mosha ka kaluar deri në fund të saj. Unë kam besim se Bajrami do të luajë për Shqipërinë.

A do të vazhdojë Reja të jetë pjesë e Kombëtares? – Duhet të vazhdojmë të shohim përpara, të shohim ndeshjet. Reja bashkë me stafin mendojnë akoma më mirë për miqësoret e qershorit në Uells dhe në Çeki dhe akoma më shumë për t’u përgatitur për ndeshjet ndaj Polonisë dhe Hungarisë. Polonia dhe Hungaria nuk janë në të njëjtin nivel si San Marino apo qoftë edhe Andorra kështu që duhet të përgatitemi vërtetë shumë mirë për të arritur objektivat tonë për të synuar një vend të dytë apo të tretë. Kundër ekipeve që mbyllen mbrapa të gjithë ekipet kanë vështirësi, por unë mendova që ne do të kishim më pak vështirësi.