Kryeministri Edi Rama u përfshi në një debat me gazetarin Arion Sulo në emisionin Open, gjatë debatit për shëndetësinë.
Sulo denoncoi një rast kur i është dashur të paguajë ryshfet ndaj bluzave të bardha, në një kohë që Kryeministri kishte premtuar shëndetësi falas.
“Kam paguar në rastin e një personi të afërm, pasi i rrezikohej jeta”, u shpreh gazetari, ndërsa u përball me akuzat e Kryeministrit.
“Ti s’ke paguar, ke ardhur të bësh propogandë”, iu drejtua Rama, gazetarit.
Sulo u shpreh se kishte paguar dhe i kërkoi Kryeministrit të mos këmbëngulte me një gjë që nuk e dinte.
“Po të kishe paguar ti do vije ulërimën. Turp të kesh që ke paguar dhe nuk e ke denoncuar”, i tha Rama.
