Partia Demokratike ka reaguar pas sulmeve që kryeministri Edi Rama lëshoi këtë të Mërkurë ndaj kryetarit të PD, Lulzim Basha lidhur me takimin në Korçë.
“I kapur mat në panikun e humbjes, Edi Rama shqetësohet çdo ditë për mikpritjen e shqiptarëve për Lulzim Bashën. Edi Rama e ka kuptuar që shqiptarët duan ndryshimin dhe askush nuk e ndal dot më këtë. Humbja e zgjedhjeve e ka bërë nervoz dhe për këtë ai sulmon takimet tona elektorale”, thuhet në reagimin e PD.
“PD është parti që funksionon sipas rregullave dhe ligjeve në fuqi. Kërcënimet dhe keqinformimet e Edi Ramës nuk e ndalojnë dot rrugën drejt fitores së Partisë Demokratike. Në 25 prill, Rama do të humbë dhe Shqipëria do të fitojë”, thuhet më tej në reagim.
