Kualfikueset e Botërorit/ Fitojnë Shqipëria dhe Anglia, ja klasifikimi në Grupin I

U luajtën ditën e sotme 3 sfidat e vlefshme për Grupin I të eliminatoreve të Botërorit “Katar 2022”. Ky grup ku bën pjesë edhe Shqipëria, kryesohet nga Anglia, me 9 pikë, e cila triumfoi me rezultatin 2-1 ndaj Polonisë, ndërkohë që vendi i dytë mbahet nga Hungaria me 7 pikë. Hungarezët mposhtën Andorrën në transfertë me rezultatin 1-4.

Kuqezinjtë e Edi Rejës janë pozicionuar në vendin e 3-të me 6 pikë në 3 ndeshje, duke lënë pas Poloninë, që ka arritur të sigurojë vetëm 4 pikë në 3 sfida.

LEXO EDHE  Superiorja/ Zbulohet axhenda për javën e katërt, ja kur do të luhen 5 sfidat interesante

Për sa i përket fundit të tabelës, ajo mbyllet nga San Marino, me 0 pikë dhe 10 gola të pësuar. Andorra renditet në vendin e parafundit, po me 0 pikë, por me golavarazh -7.