Detaje të reja janë zbuluar nga grabitja e ndodhur pasditen e sotme në Gjirokastër, ku dy persona kanë arritur të marrin një sasi të konsiderueshme bizhuterish në një argjendari.
Nga raportimet mësohet se grabitësit kanë qenë dy persona, njëri prej tyre është futur në argjendari dhe nën kërcënimin e një kallashnikovi ka arritur të marrë një sasi të madhe bizhuterishë.
Ndërkohë bashkëpunëtori i tij nuk ka hyrë brenda por ka pritur jashtë në makinë.
Të dy grabitësit ishin me maska anticovid dhe me syze. Ndërkohë mësohet se makina e tyre ka qenë tip “golf” ngjyrë e bardhë.
Argjendaria ka qenë e pajisur me kamera sigurie dhe policia pritet t’i sekuestrojë për të hedhur më shumë dritë mbi kapjen e autorëve.
