Gasperini “bën ligjin” në Serie A, shpallet për herë të dytë radhazi trajneri i vitit

Trajneri i Atalantës, Gian Piero Gasperini, është shpallur tekniku më i mirë i Serie A për sezonin 2019-20. Ky është viti i dytë radhazi që italiani e fiton këtë çmim, duke konfirmuar suksesin që po përjeton ekip nga Bergamo.

Vendi i tretë në Serie A dhe çerekfinalet e Champions League sezonin e kaluar padyshim që kanë ndikuar në këtë zgjedhje, duke i dhënë Gasperinit Panchin d’Oro nga Shoqata Italiane e Trajnerëve.

LEXO EDHE  Florian Marku shpallet kampion, i shkakton humbjen e parë në karrierë Prodan-it

Kujtojmë që 63-vjeçari e mori drejtimin e Atalantës në qershor të vitit 2016 dhe e ka kthyer skuadrën ndër ekipet më të mira në Itali në vitet e fundit. Edhe në këtë sezon bergamaskët janë në luftë për një vend në Champions League, edhe pse në pjesën e parë të sezonit Gasperini kaloi një moment të vështirë edhe prej zënkës me ish-kapitenin Papu Gomez.