Tentuan të kalonin doganën me mjete identifikimi të falsifikuara, arrestohen tre iranianë

Tre iranianë janë arrestuar në pikën kufitare të Qafë-Thanës, pasi janë kapur me mjete identifikimi të dyshuara si të falsifikuara.

Në pranga kanë rënë shtetasve I. T., 24 vjeç, M. N., 25 vjeç dhe A. N., 25 vjeç, banues në Stamboll, Turqi.

Njoftimi i plotë:

Arrestohen tre shtetas iranianë, për veprën penale “Falsifikimi i letërnjoftimeve, i pasaportave ose i vizave”.

Shërbimet e Stacionit të Policisë Kufitare Qafë Thanë, në vijim të punës për parandalimin, evidentimin dhe goditjen e paligjshmërisë, konkretisht atë të kalimit të kufirit me dokumente të falsifikuara, në bashkëpunim me specialistët për Hetimin e Krimeve në Komisariatin e Policisë Pogradec, bënë arrestimin në flagrancë të shtetasve I. T., 24 vjeç, M. N., 25 vjeç dhe A. N., 25 vjeç, banues në Stamboll, Turqi.

Këta shtetas janë paraqitur në hyrje të Republikës së Shqipërisë, me dokumente identifikimi të dyshuara si të falsifikuara, të cilat u sekuestruan në cilësinë e provës materiale.

Materialet i kaluan Prokurorisë pranë Gjykatës së Shkallës së Parë Pogradec, për veprime të mëtejshme.

LEXO EDHE  Përjashtimi i Berishës, Tabaku: Vendimi i takonte Bashës, jo çdo vendim kalon nga strukturat