Profesoresha 46-vjeçare e shkencave në Institutin “Don Bosco” në Palermo, Cinzia Pennino, ndahet nga jeta 11 ditë pasi mori vaksinën Astrazeneca.
Sias raportit të poliklinikës ku ajo ishte e shtruar, edhe pse mësueses i ishte dhënë vaksina anti-Covid, AstraZeneca, ajo ndërroi jetë në mënyrë të dyshimtë.
Profesoresha përkufizohej nga kolegët e saj dhe komuniteti sicilian si “një grua me një zemër të madhe, e mençur, bujare dhe e gëzuar, e përkushtuar plotësisht në misionin Salesian në Siçili dhe Afrikë, ku ajo vizitoi Madagaskar dhe Senegal”.
Lidhur me vdekjen e saj të dyshimtë, tani ekspertët do të duhet të kuptojnë shkaqet, dhe për këtë prokuroria ka hapur një hetim.
“Pacientja arriti në Poliklinikën Paolo Giaccone në Palermo, më 24 Mars në kushte shumë kritike me trombozë të thellë dhe një histori anamnestike në të cilën ekziston edhe një administrim i vaksinimit – tha spitali ku ajo ishte e shtruar.
“E transferuar në Njësinë e Kujdesit Intensiv në mosfunksionim multiorganik, megjithë trajtimet e avancuara dhe kujdesin e ofruar nga punonjësit shëndetësorë, ajo vdiq këtë mëngjes”.
“Siç ndodh në këto raste, – përfundon njoftimi i spitalit – “çështja u raportua tek AIFA dhe autoritetet gjyqësore”.
Korrelacioni midis vdekjes së gruas dhe vaksinës nuk është aspak i qartë – tha Renato Costa për “Giornale di Sicilia”, raporton NOA.al – komisioner për urgjencën Covid në Palermo. “Autoriteti gjyqësor do të bëjë hetimet e nevojshme, por për momentin nuk mund të flasim për ndonjë korrelacion”.
Nga historia anamnestike e Prof Cinzia Pennino, cituar në njoftimin nga Poliklinika e Palermos, nuk rezulton që gruaja të vuante nga ndonjë patologji e mëparshme.
