Imuniteti i tufës nga COVID-19 pritet të arrihet nga mesi i korrikut, deklaroi eurokomisioneri për Tregun e Brendshëm dhe kreu i Task Force për Vaksinat, Thierry Breton.
Duke folur për radion franceze RTL, Breton tha gjithashtu se vera e ardhshme pritet “të jetë e ngjashme me atë të vitit të kaluar, falë fushatave të vaksinimit që po zhvillohen në Bashkimin Europian”.
Zyrtari europian sqaroi se pasaporta e parë shëndetësore europiane do të jetë në dispozicion në të gjithë BE-në brenda dy-tre muajve.
Ajo do të jetë e disponueshme si dokument fizik, ashtu edhe dixhital në smartphone, ku do të paraqitet një kod QR dhe lloji i vaksinës së kryer.
Për ata që janë vaksinuar ende ose nuk kanë dashur të bëjnë vaksinën e COVID-19, në certifikatë do të jetë rezultati i testit të fundit të kryer.
DENONCO