Një 26-vjeçar u arrestua nga policia, pas njëaksidenti të rëndë, që fatmirësisht nuk mori jetë njerëzish.
26-vjeçari, A.K, drejtonte mjetin tip BMW, kur doli nga rruga dhe ra nga një lartësi 150 metra.
“Nga specialistët e Qarkullimit Rrugor në DVP Elbasan, u arrestua në flagrancë shtetasi:
A.K., 26 vjeç, banues në fshatin Gjyralë, Cërrik, pasi në aksin rrugor Cërrik-Gramsh duke drejtuar mjetin tip “BMW”, ka humbur kontrollin e mjetit duke dalë nga rruga dhe për pasojë është plagosur vetë drejtuesi i mjetit dhe shtetasi K.K., 27 vjeç, i cili ishte pasagjerë në këtë mjet, dhe ndodhen jashtë rrezikut për jetën.
Materialet hetimore i kaluan Prokurorisë pranë Gjykatës së Shkallës Parë Elbasan, për veprime të mëtejshme proceduriale”, njofton policia.
