Pronari i kompanive Tesla e SpaceX Elon Musk ka deklaruar dje në rrjetet sociale se “Argumenti më i fortë kundër ekzistencës së alienëve është ai i dy grafikëve, ku njëri tregon se sa ka ndryshuar qartësia e kamerave të sotme me ato të të shkuarës, ndërsa fotot e supozuara të UFO-ve ose alienëve kanë mbetur me të njëjtën cilësi”.
Në postimin e tij Musk konkludonte se jashtëtokësorët nuk ekzistojë, pasi shumica e fotove të tyre tregojnë objekte që qëndrojnë pezull në ajër.
Një përdorues ia ktheu me shaka: “Ky postim duket taman si i një alieni”. Ndërsa një tjetër komentator argumentonte se kamerat mund të kapin vetëm 400-700 nanometra dhe nuk janë të afta të kapin “realitetin e vërtetë”.
Shkencëtari i inteligjencës artificiale Lex Fridman kundërshtonte komentet e Musk. Edhe përdoruesi ‘Evilspot’ nuk i besonte pretendimet e Musk, teksa thoshte: “Ai nuk e beson se alienët janë të vërtetë … por alienët mund të lëvizin shumë shpejt!’
Opinioni i fundit i Musk vjen disa ditë pasi qeveria e SHBA tha se ka prova se mjete të paidentifikuara fluturuese kanë thyer barrierën e zërit me manovra të pamundura me teknologjinë aktuale.
DENONCO