Kreu demokrat Lulzim Basha po vazhdon fushatën elektorale në Elbasan, i shoqëruar nga drejtuesi politik i qarkut, Gazment Bardhi.
Kryedemokrati është pritur nga qindra të rinj, me ovacione dhe brohorima. Ata kërkuan njëzëri largimin e qeverisë teksa pohuan mbështetjen e tyre kundrejt liderit Basha.
“Rama ik!”, ishte thirrja e të rinjve, ndërsaBasha u ndal tek fitorja më 25 Prill, duke e cilësuar rezultatin e zgjedhjeve parlamentare fitore për rininë dhe Shqipërinë.
Basha shtoi se PD-në e presin shumë punë, për rimëkëmbjen e qarkut.
Batutat
Basha: Po bëhem xheloz për këtë Gaz Bardhin. Po e nis për Tiranë, dhe po rri vetë këtu. Kujt i shkoi mendja për këtë vend këtu?
Të rinjtë në kor: Gaz Bardhit!
Basha: Është bërë më elbasanlli se sa ju këtu (qesh). Në 25 do të fitojë rinia, do të fitojë gjithë Shqipëria. Na presim shumë punë të mëdha. Para shumë vitesh keni qenë të vegjël. 25-sa është dita e fitores, për gjithë rininë dhe Shqipërinë. Shumica prej jush keni qenë gjimnazistë, siç ishte transformimi i Elbasanit, siç ishte tuneli i Elbasanit…
Basha: Ndaj pa e zgjatur shumë se kemi ardhur për piknik jo për miting dhe si duket më presin dhe detyra të veçanta siç është skuqja e salsiçeve në zgarë. Jo s’qenkam aq dobët se s’kam qenë duke skuqur salsiçe atë natë. Meqë do ta dish kam qenë duke skuqur mëlçi pule.
Qytetari: Poshtë Taulant Balla!
Lulzim Basha: S’është në meny sot.
Qytetari: Do hamë Ramën.
Lulzim Basha: As ai s’është në meny sot.
Qytetari: E kemi djegur mos e vra mendjen.
Lulzim Basha: Kërpudhat helmuese nuk janë në meny sot.
