Kombëtarja shqiptare e futbollit do zhvillojë sfidën e dytë kualifikuese për Botërorin Katar 2022. Nesër në 18:00, kuqezinjtë e Edy Rejas do përballen me Anglinë, me sfidën që zhvillohet në “Air Albania” në Tiranë.
Shqiponjat vijnë pas tri pikëve në transfertë me Andorrën, ndërsa rezultati minimal 0-1 ka lënë shije jo të mirë në opinionin sportiv.
Loja jo e qartë dhe rastet e pakëta për shënim, kanë kthyer sërish debatin për skemën dhe lojtarët e hedhur në fushë nga italiani.
Duket se për Rejën gjithçka është në rregull, teksa nuk pritet ndryshim skeme edhe ndaj “Tre Luanëve”. Në dyshim janë dy pozicione, teksa nga minuta e parë mund të jenë Laçi dhe Uzuni.
Formacioni i mundshëm:
Shqipëria (3-5-2): Berisha, Ismajli, Gjimshiti, Kumbulla, Hysaj, Bare, Gjasula, Memushaj (Laçi), Lenjani, Cikalleshi, Manaj (Uzuni)
