Tre persona janë vrarë ditën e sotme në Myanmar duke bërë që numri i personave të vrarë deri më tani të tejkalojë 320.
The Guardian shkruan se 3 personat u vrane ditën e sotme për shkak se po valvitin flamuj të zinj në qytetin Myeik.
Sipas dëshmitarëve 2 personat e vrarë janë qëlluar me plumb në kokë, ndërsa një tjetër ëshrtë qëlluar disa herë. Ata kanë thënë se trupin e personit të tretë të vrarë nuk mund ta merrnin për shkak se në vendngjarje ka shumë policë dhe ushtarë.
“Dy u vranë nga të shtënat në kokë. Ne nuk mund të marrim trupin e personit të tretë pasi shumë forca të sigurisë janë atje,” tha një dëshmitarë.
Qytetarët e Myanmari kanë dalë në protestë për lirimin e ish-udhëheqëses, Aung San Suu Kyi, e cila është në paraburgim që kur ushtria e Myanmar rrëzoi qeverinë e saj më 1 Shkurt. Komuniteti ndërkombëtar ka bërë thirrje të vazhdueshme për lirimin e drejtueses së vendit dhe rikthimin e normalitetit. Gjeneralët e ushtrisë thonë se 75-vjeçarja po e mbante pushtetin me vota të vjedhura.
