Deputeti Tom Doshi, që garon në siglën e PSD-së në Tiranë dhe në Shkodër u kërkon qytetarëve që ta votojnë për një tjetër mandat në zgjedhjet e 25 prillit.
“Na jepni besimin, t’ju kthejmë shpresën, votoni nr. 1” shkruan Doshi në një postim në faqen e tij në rrjetin social.
Emri i Doshit ka qenë kryefjalë në muajt e fundit në Shqipëri.
I risjellë në vëmendje nga ambasadorja e SHBA-së pasi pak vite më parë u shpall “non gratta” në Amerikë, Yuri Kim i kërkoi KQZ-së që të mos e regjistronte në zgjedhjet parlamentare, por Ilirjan Celibashi ia kaloi “topin” prokurorisë për të vendosur për fatin e tij.
Tashmë pritet vendimi nga Prokuroria, pas verifikimit që ajo do të kryejë bazuar në ligjin për dekriminalizimin, për të parë nëse Doshi do të arrijë të kandidojë apo jo si deputet dhe më pas nëse ai do të vijojë ose jo të mbajë mandatin.
