Drejtori politik i PD-së në Durrës, Edi Paloka bën me dije se kryeministri Edi Rama ka njoftuar një takim me peshkatarët në Durrës. Por, shton ai, peshkarexhat janë larguar të gjitha “duke e lene si peshkun pa uje …te braktisur”.
Në një reagim në FB, Paloka shton se: Luca i “shpëton nderin” (për aq sa mund të ketë nder Rama), sjell peshkarexhat e tij nga Shëngjin që Rama të bëjë sikur takohet me peshkatarët e Durrësit!
“Ja pra që vetmija dhe braktisja e mbrëmshme në sheshin e errësirës, nuk ishte rastësi. Po e braktisin të gjithë. I ka përdorur dhe mashtruar disa herë pronarët dhe ata që peshkimin kanë punën e jetës së tyre. Tani duket se nuk i mashtron dot më. Shqiptarët po i kthejnë reston për mashtrimet, vjedhjen dhe arrogancën”, shton.
