Lideri i opozitës Lulzim Basha ka nisur ditën e sotme takime me qytetarë dhe biznese në njësinë nr.8 në kryeqytet.
“Mesazhi kryesor që kam për ju është se asnjë i ri nuk do të mbetet mënjanë. Këto 30 ditë betejë janë për ju, për ëndrrat tuaja, për të ardhmen e Shqipërisë”, u shpreh Basha.
Gjatë fjalës së tij kryedemokrati u shpreh se prej 8 vitesh zëri i qytetarit nuk është dëgjuar.
“Suksesi ynë do të jetë suksesi i të gjithë Shqipërisë. Gjëja e parë që do të bëjmë kur të jemi në qeveri është kthimi i saj në funksion të njerëzve.
Gjëja më e rëndësishme është që shumica dërrmuese të dalë dhe të votojë.”, tha kryedemokrati.
