Epidemiologu Ilir Alimehmeti, ka shpjeguar në emisioni “Të Paekspozuarit” nga Ylli Rakipi në MCN TV, se përse vdekjet nga Covid në Shqipëri nuk regjistrohen të gjitha dhe ka një diferencë me vdekjet e raportuara nga INSTAT.
“Ne kemi përcaktim tonin se çfarë quhet vdekje covid. Test pozitiv covid dhe humbje jete në spitalet covid. Nëse nuk plotësohet ky kriter, nuk quhet vdekje nga covid.
Pra, edhe brenda spitalit covid nëse nuk ke testin, nuk je brenda numrit të raportuar. Po kështu edhe kur trajtohesh në shtëpi.
Duke qenë se është e pritshme të kesh një përqindje vdekje që lëviz, por nuk ishte e pritshme kaq.
Shihet me shumë interes, se cfarë observojmë dhe cfarë pritej. Kjo ndodhi me raportin e INSTAT në shkurt 2021.
Është shumë i rëndësishëm, sepse në shëndet publik, vdekshmëria në ekses, është indikator shumë i rëndësishëm.
Nuk kemi persona që mund të kenë humbur jetën në spitale, që nuk quheshin covid, apo jashtë shtetit. Pra, kjo që raportohet është shifra minimale.
Instat thotë kemi vdekshmëri ekstra rreth 6 mijë, por nuk dimë këtu brenda se cfarë ka ekstra. Kemi edhe vdekje indirekte, që vjen si rrjedhojë e prishjes së shërbimit shëndetësoe”, deklaroi epidemiologu.
