Një denoncim i fortë është bërë sot në emisionin “Me zemër të hapur’ në ‘News24’, ku thuhet se brenda qendrës tregtare që u përfshi nga flakët që prej ditës së djeshme, është dhe një 17-vjeçar.
Kushëriri i 17-vjeçarit pohoi se ai ishte duke shkarkuar mallin kur godina u përfshi nga flakët, ndërsa nuk kanë mundur që të komunikojnë me të.
Ndërkohë që përgjegjësi i këtij biznesi ka pohuar të kundërtën, duke thënë në listat e tij nuk figuronte emri i 17-vjeçarit.
Kujtojmë se në godinë ndodhet ende shefi i sigurisë Arjan Sala, fati i të cilit nuk dihet ende.
