Kategoria Superiore mbylli dje javën e 25-të. Në fushë zbritën dhjetë skuadrat, për një javë që vendosi shumë. Tanimë kampet në Superligë do duhet të qetësohen, pasi në program janë tre ndeshjet e ekipit Kombëtar. Për këtë arsye, deri në datën 3 prill elita e futbollit në vend do duhet të përgatisë javën e 26.
Do jetë pikërisht fillimi i muajit tjetër, ai që do rikthejë garën e ethshme në fushë, me Vllazninë që pas fitores së djeshme në limite i është rikthyer vendit të parë.
Tanimë të apasionuarit e futbollit shqiptar do duhet të presin datën 3 prill, me ndeshjet që nuk kanë një orar zyrtar. Nuk është çudi që FSHF të shpërndajë javën, duke bërë që të luhet edhe të dielën e asaj fundjave.
Kategoria Superiore – java 26-të – 3 prill (Oraret e pacaktuara)
Tirana – Apolonia
Teuta – Laçi
Vllaznia – Partizani
Bylis – Kastrioti
Kukësi – Skënderbeu
