Zbardhen të tjera detaje në lidhje me ekzekutimin e 66-vjeçarit Behar Sofia. Mësohet se grupi që kishte porositur vrasjen e tij, do kryente një tjetër atentat.
Ky fakt ka dalë nga dëshmia e ekzekutorit të Sofisë, 23-vjeçarit Ernejt Shyti, i cili ka pranuar autorësinë e vrasjes, si dhe ka treguar edhe gjithë pregatitjet për krimin, që u krye në 25 shkurt, si dhe rolin e personave të arrestuar.
Sipas RTV Ora, kjo deklaratë ngre dyshimet se grupi do të kryente një tjetër vrasje me pagesë, por kjo cështje eshtë ende duke u hetuar.
Ekzekutori ka pohuar se me Xhuliano Vishën kishte njohje te vjetra, dhe se ai i kishte propozuar kryerjen e vrasjes, duke qënë se ai vetë nuk e bënte dot, pasi ishte pikasur nga roja e palltatit te ETC. Xhuliano i kishte siguruar armën me silensiator, biçikletën dhe telefonin.
Shyti ka treguar se Xhuliano e kishte prezantuar edhe me dy personat e tjerë Leonard Xhixhen, i cili ka vëzhguar viktimën dhe ka dërguar Shytit nëpërmjet telefonit foton e tij.
Me këtë person Shyti thote se ishte takuar disa here edhe fizikisht dhe gjatë takimeve me të ai ka njohur edhe një tjeter person, i cili nga paraqitja për njohje rezulton është Skënder Vathi, që i thërrisnin ndryshe “Dajo”.
23 vjeçari thotë se, Vathi, i cili ka bërë ruajtjen e viktimës poshtë pallatit ka qënë edhe personi që e ka instruktuar disa here për të kryer vrasjen.
