Një 27-vjeçar është arrestuar nga policia e Tiranës, pasi akuzohet për vjedhje me dhunë.
T.S. 27 vjeç, banues në Laç, është kapur në flagrancë nga Forcat e Posaçme “Shqiponjat” mbrëmjen e djeshme në bulevardin “Gjergj Fishta”, duke tentuar të vjedhë me dhunë sendet me vlerë një shtetaseje.
Nga hetimet dhe provat e siguruara rezulton se ky shtetas dyshohet se është autor edhe i dy ngjarjeve:
- I vjedhjes me dhunë nën kërcënimin e thikës të një shume parash dhe disa sendeve me vlerë të shtetases E.I;
- Tentativës së vjedhjes së sendeve me vlerë të shtetases M.H.
Materialet në ngarkim të shtetasit T.S. i kaluan Prokurorisë së Rrethit Gjyqësor Tiranë, për veprime të mëtejshme, njoftoi policia.
