Presidenti rus, Vladimir Putin do të vaksinohet ditën e nesërme kundër Covid-19. Në një deklaratë këtë të hënë, Putin tha se ka ndërmend që të marrë dhe vetë vaksinën nesër.
Putin tha se do të vaksinohet me një nga tre vaksinat ruse, por nuk tha se cilën do të zgjidhte.
“Vaksinimi është një opsion i secilit person, vendimi i tij personal. Duhet t’ju them se kam ndërmend ta marr vaksinën vetë nesër”, tha ai gjatë një takimi mbi rritjen e prodhimit të vaksinës së koronavirusit.
Ai gjithashtu tha se vaksinimi i Putinit nuk do të ishte një ngjarje publike, siç kanë bërë politikanët në disa vende.
“Jo, ne nuk presim që kjo të jetë një ngjarje publike”, tha zëdhënësi i Presidentit rus, Dmitry Peshkov.
Duke folur gjatë takimit televiziv, presidenti rus tha se Rusia kishte nënshkruar marrëveshje ndërkombëtare për të furnizuar vaksinën ruse Sputnik-V 700, për miliona njerëz.
Ai gjithashtu tha se ishte jetike të rritej prodhimi i vaksinave në Rusi, ku 4.3 milion njerëz kanë marrë të dyja dozat e vaksinës.
