Kandidati i LSI për Elbasanin, Ermir Gjinishi, e ka cilësuar si të turpshëm dhe njëherësh të frikshëm incidentin gjatë Ditës së Verës, ku mbështetësit e PD dhe PS u përplasën fizikisht.
I ftuar në studion e “Log.” me Endri Xhafon, Gjinishi tha se kryeministri lëviz me njerëz të armatosur. Sipas tij, kryeministri është ideusi i dhunës, ndërsa shtoi se personazhet e krimit dalin natën në Elbasan dhe kërcënojnë qytetarët.
“Bullizmi i Edi Ramës nuk është fëminor. Edi Rama nuk bën fushatë. Ajo që ndodhi në Elbasan është shumë e frikshme. Është vetëm një segment. Turma e dhunshme doli pas kryeministrit të vendit. Kjo është shumë e turpshme. Një kryeministër që lëviz me turma të armatosura. Të tjerat nuk kanë fare vlerë. Ju mund të thoni sa të doni provokoi opozita. Një pyetje i rrëzon të gjitha këto. Pse nuk arrestoni?
Ne kemi të gjitha informacionet që ideusi i dhunës është Edi Rama. Në Elbasan i drejton Taulant Balla. Në tunelet e diktaturës mblidhen grupet e errëta me bekimin e Taulant Ballës po përgatitin të gjithë rrëmujën. Zonja Kushi që më vjen keq se nuk është këtu tani, kush i heq njerëzit nga puna tani në arsim. Kush po i ndërron drejtorët e shkollave, me dhjetëra
Në Peqin është hequr para dy javësh, drejtori i Drejtorisë Arsimore. Mësuesve u është kërkuar të vijnë me lista me 20 vetë. Nuk kanë llogaritur verdiktin e sovranit
Nuk ka asnjë lloj konflikti mes PD dhe LSI. Ka një terror, por LSI ka një terror më të madh se është forcë e majtë dhe ka gjasa që të pakënaqurit e majtë të gjejnë strehë te LSI. Natën në Elbasan organizohet pas orës 8 dhe kërcënojnë njerëzit. Politika ka zgjedhur krimin për të marrë pushtetin”, u shpreh ai.
