Kryeministri Edi Rama ka reaguar ndaj provokimit të Presidentit serb Alekdandër Vuçiç, lidhur me Kosovën.
Rama është përgjigjur nga Kukësi, teksa ka parë nga afër procesin e vaksinimit të stafit mjekësor nga Kosova.
“Kemi prej disa kohësh që i kemi bërë me dije ministrisë së Shëndetësisë së Kosovës që jemi të gatshëm të kountibuojmë.
U vonua pak po më mirë pas asaj hartës së leshit që nxorri ai shoku në Beograd, duke lozur me kukulla në Facebook.
Ne jemi një e ardhmja dihet për çfarë është. Ne jemi një. Jam shumë i lumtur që e kemi çarë bllokadën”, tha Rama.
Nga dita kur mori postin e Kryeministrit, Edi Rama ka vendosur raporte mjaft të afërta me Presidentin serb Vuçiç, madje ka përkrahur idenë e shengenit ballkanik, sikundër edhe ndryshimin e kufinjve të Kosovës.
