Ish-kryeministri socialist, sot ministër i Shtetit për Diasporën, Pandeli Majko, i cili renditet i 19 në listën shumëemërore të PS për Qarkun e Tiranës, rrezikon të rikonfirmohet si deputet në Parlamentin e dalë nga zgjedhjet e 25 prillit.
Pas pastrimit të parë të listës nga Edi Rama me lënien jashtë të disa socialistëve, ish ministra apo me mandat deputeti, shndërrimin e drejtuesve të qarqeve dhe politikanëve të karrierës, si vetë Pandeli Majkon, Fatmir Xhafën apo Mimi Kodhelin, në makineri prodhuese votash, ministri i Diasporës thotë për Vizion Plus se kjo është sakrifica për “mandatin e tretë qeverisës” dhe nëse nuk arrin që të zgjidhet deputet, do të largohet fare nga politika.
“Kush do të fitojë do t’i marrë të gjitha, kush do t’i humbasë do t’i humbasë të gjitha. Padyshim (nëse nuk zgjidhet deputet) do të fillojë një jetë tjetër. Kam dy diploma, që besoj janë të mjaftueshme për të vazhduar përpara”, ka deklaruar Majko.
