Greqia ka shënuar në tjetër rekord negativ për sa u përket të intubuarve që janë prekur nga covid-19. Sipas mediave greke gjatë 24 orëve të fundit numri i të intubuarve ka shkuar në 672. Ndërkohë gjatë 24 orëve të fundit janë shënuar 60 humbje jete si dhe 2535 raste të reja.
Numri i përgjithshëm i rasteve të infektimit që nga fillimi i pandemisë në Greqi ka shkuar në 235,611.
Bazuar në rastet e konfirmuara të 7 ditëve të fundit, 67 konsiderohet se kanë të bëjnë me udhëtime nga jashtë dhe 2,362 janë infektuar nga rastet e kontaktit. Ndërkohë numri i viktimave që nga fillimi i pandemisë në Greqi ka shkuar, në 7,421.
