Ekzekutohet me armë zjarri Edmond Koçi, anëtari i bandës së Lul Berishës në Durrës, i njohur ndryshe si “Mond Çekiçi. Ngjarja ka ndodhur rreth orës 08:40, në lagjen nr.16, Durrës, pranë Drejtorisë Arsimore.
Mësohet se autorët kanë qenë të pamaskuar dhe janë parë nga shoferi i 40-vjeçarit që u ekzekutua. Mësohet se “Mond Çekiçi”, po udhëtonte me mjetin e tij, kur një makinë i ka ndërprerë rrugën.
Në këto momente ka dalë shoferi i 40-vjeçarit për t’u sqaruar se çfarë kishte ndodhur dhe më pas një person nga mjeti tjetër ka qëlluar me breshëri në drejtim të “Mond Çekiçit”, duke e lënë të vdekur në vend.
Pak kilometra nga vendi i ngjarjes, në fshatin Sukth është gjetur një makinë e djegur, e cila dyshohet se i përkiste autorëve. Nga sa raportohet, kjo makinë kishte targa të vjedhura në Tiranë.
Pista kryesore e hetimeve është e kaluara e 40-vjeçarit Mond Çekiçi.
Kush është Edmond Koçi, i njohur ndryshe si Mond Çekiçi?
“Mond Çekiçi”, konsiderohej nga policia e Durrësit si person me rrezikshmëri, pasi jo vetëm që ishte pjesë përbërëse e një klani kriminal në Durrës, por ai rezultonte të jetë dënuar disa herë për akuzën e mbajtjes pa lejë të armëve dhe kundërshtimit të forcave të policisë.
Në muajin maj 2009 Edmond Koçi, u dënua me 2 vite burgim për akuzën e “Mbajtjes pa lejë të armëve”.
Në një raport të ministrisë së brendshme të botuar në vitin 2016, thuhej se “Mond Çekiçi”, është pjesë shoqërore me Lulzim Berisha “Luli”, Emiljano Shullazi “Mili”, Plarent Dervishaj “Lenti”, Marjel Fierza, Julian Meçaj, Bashkim Haxhiaj dhe persona të tjerë.
LEXO EDHE:
Ekzekutimi i Mond Çekiçit, zbardhen detaje nga ngjarja/ Ja si vepruan autorët
