Kryeministri i Italisë, Mario Draghi tha se ai do të vaksinohet kundër koronavirusit me vaksinën “AstraZeneca”.
“Unë ende nuk kam bërë rezervimin, por grupi i moshës sime ka filluar. Unë do ta bëj vaksinën dhe do marr Astrazeneca, natyrisht. Djali e bëri atë një ditë më parë në Londër”, njoftoi Kryeministri.
Draghi tha se deri në muajin prill Italia do të arrijë 500 mijë vaksina.
“Ne kemi filluar nga 69 mijë vaksina në ditë, tani jemi në 160 mijë në ditë. Ne do të arrijmë 500 mijë në prill. Dhe qëllimi është ta sjellim atë edhe në shifra më të larta në maj dhe qershor. E gjithë qeveria dhe e gjithë Italia janë në një aktivitet të madh për të siguruar që fushata e vaksinimit të vazhdojë me shpejtësi maksimale dhe mbulim maksimal. Vendet e vaksinimit vazhdojnë të rriten. Vetëm në këto ditë ato janë rritur me 25%”, përfundoi Kryeministri.
