Ardit Krymi dhe Fjoart Jonuzi nuk do jenë për Vllazninë në duelin e radhës me Kastriotin në transfertë. Dy mesfushorët kanë plotësuar numrin katër të kartonave të verdhë, duke munguar në duelin e radhës. Vllaznia luan në transfertën e Kamzës me Kastriotin, të diel në 13:00.
Në Shkodër janë kujdesur që t’i hedhin vetë “benzinë zjarrit”, me klubin që ka gjobitur lojtarët dhe trajnerin në rast se kjo situatë “jo” do vijojë. Dukshëm si paralajmërim për financat, Bashkia Shkodër mund t’iu mbajë afro 150 mijë lekë (të rinj) lojtarëve dhe stafit, si gjobë për këto rezultate.
Në kushtet kur nëntë ndeshjet e fundit skuadra ka humbur ekuilibrat dhe kalendari është i ngjeshur, Vllaznia rrezikon seriozisht edhe Europën, duke parë ngjeshjen e skuadrave në klasifikim./Newsport
