KQZ vendosi dje që nga lista e kandidatëve të paraqitur nga Partia Demokratike për zgjedhjet e 25 prillit të regjistrojë 153 emra, duke hequr nga listat ato që konsideroheshin si emrat shtesë.
Partia Demokratike e cilësoi vendimin e paligjshëKm dhe tha se do t´a apelonte atë. Por çfarë parashikon Kodi Zgjedhor?
Në nenin 67, pika 4, Kodi Zgjedhor lejon që në listat e kandidatëve të jenë 177 emra, pra 24 më shumë se sa lista që ka miratuar KQZ.
Më poshtë është citimi i Kodit dhe një shpjegim i thjeshtë i formulës. Prandaj, PD doli mbrëmë me qëndrimin se vendimi për të shkurtuar listën e koalicionit të PD i shërben PS.
Kodi zgjedhor
Neni 67
Pika 4
‘Numri i kandidatëve në listën shumë emërore nuk mund të jetë më i vogël se numri i mandateve që do të zgjidhen në zonën zgjedhore përkatëse, shtuar dy. Në çdo rast, numri i kandidatëve në listën shumë emërore duhet të jetë i plotpjesëtueshëm me numrin tre’
Shembull:
Nëse numri i mandateve është X, numri i kandidateve s’mund të jetë më i vogël se X+2.
Mbi këtë numër mund të shtohen të tjerë (Y), por nuk mund të zbritet poshtë numrit X shtuar 2 kandidatë.
Ne çdo rast totali duhet i plotpjesëtueshëm me 3.
Totali X+2+Y, duhet ne cdo rast te plotëpjestohet me 3.
Kodi parashikon numrin minimal te kandidateve. Jo numrin maksimal. Numri maksimal nuk ka qene asnjëherë i parashikuar nga Kodi.
Minimumi i kandidatëve mund të jetë 177, e jo 153 sa pretendon KQZ.
