Kategoria Superiore/ Java e 25-të luhet e gjitha të dielën, ja programi i ndeshjeve

Futbolli shqiptar do të rikthehet të luhet sërish në fundjavë. Pas ndeshjeve të Kupës, ditën e diel do të rikthehet në fushë Kategoria Superiore që do të luajë aktin e 25-të.

Të gjitha ndeshjet do të luhen në një ditë dhe një orar me përjashtim të Partizani-Teuta që do të luhet me drita në “Elbasan Arena”.

Bylis do të presë Kukësin në Ballsh, Laçi kryesues do të ketë një tjetër ndeshje delikate ndaj Tiranës, ndërsa Vllaznia do të luajë në transfertë ndaj Kastriotit. Përballje direkt edhe për mbijetesë teksa Apolonia do të presë në “Loni Papuçiu” Skënderbeun.

E diel 21 mars

Java e 25-të:

Ora 13:00

Bylis-Kukësi

Kastrioti-Vllaznia

Apolonia-Skënderbeu

Laçi-Tirana

Ora 16:00

Partizani-Teuta