Mjeku Melaim Damzi, i cili kandidon për deputet në listën e Partisë Socialiste për Qarkun e Dibrës, është shtruar në spitalin Infektiv në Tiranë, pas përkeqësimit të gjendjes shëndetësore nga Covid-19.
Nga raportimet mësohet se mjeku Damzi është transportuar me helikopter nga spitali i Peshkopisë drejt Infektivit.
Damzi prej disa ditësh ishte prekur nga Covid-19, ndërsa gjendja e tij shëndetësore u rëndua. Damzi u kandidua nga Partia Socialiste për deputet në qarkun e Dibrës, ku renditet i 4-rti në listën shumëemërore.
