Ditën e nesërme, luhet sfida Dinamo-Skënderbeu, e vlefshme për fazën çerekfinale në Kupën e Shqipërisë, takim që starton në orën 13:00.
Interesi për këtë sfidë nga ana e tifozëve të Dinamos ka qenë i madh dhe për këtë arsye klubi është detyruar të dalë me komunikatë për ta.
Në komunikatën e klubit thuhet se nuk do lejohet prania e tifozëve në stadium, për shkak të masave të marra nuk do të lejohen tifozë, përveç një numri të vogël të pranishmish, të cilët do jenë pjesë të klubeve.
Njoftimi i klubit:
FK Dinamo falënderon tifozët për interesimin e madh për të qenë ditën e nesërme të pranishëm në stadium, por fatkeqësisht duke parë rregullat strikte të vendosura nga qeveria për masat anti-Covid, ndeshja luhet me dyer të mbyllura!
Protokolli i FSHF lejon në shkallët e stadiumit vetëm një numër shumë të limituar personash, pjesë e stafit të klubeve respektive.
Ne do të luftojmë për ju!
