Autoritetet policore italiane kanë vënë në pranga 12 persona, italianë e shqiptarë, anëtarë të dy grupeve kriminale që menaxhonte trafikun e lëndëve narkotike në lagjen Sant’Eusebio në komunën Cinisello Balsamo në provincën e Milanos.
Operacioni i ekzekutuar në bashkëpunimin me Departamentin e Antimafias së Milanos ka zbardhur se grupi kriminal i pëbërë nga shtetas italianë drejtohej nga familja Russi, e nga trafikantët Veceloque Preseloque Armando e Berlingieri Bruno.
Grupi i shqiptarëve drejtohej nga shqiptari Ermal Uruci e detyra e tyre ishte të furnizonin me drogë kryesisht kokainë që trafikonin nga Holanda, raportojnë mediat italiane.
Hetimet zbardhën se dy grupet kriminale kishin një organizim të strukturuar të aftë të furnzionin me drogë 24 orë në ditë.
Mesatarisht llogaritej se trafikonin rreth 10 mijë euro drogë në ditë.
Ata kishin të puënsuar çdo ditë dhjetra persona me detyra të caktuar si kontrolli i territorit, vëzhgimi mbrojtës kundër kontrollit të policisë, paketimi i dozave të drogës, shpërndarja e shitja e tyre etj.
Hetimet e këtij operacioni kanë nisur më vitin 2016 pas zbardhjes së ngjarjes e arrestimit të italianit Giuseppe Sanfilippi, i akuzuar si autor i tentativës së vrasjes së shqiptarit Marjan Prendi.
Gjatë fazës hetimore, sekuestrimi i 8.6 kg kokainë e arrestimi i korrierëve shqiptarë në kufirin Mont Blanc, mes Italisë e Francës, ndihmoj në zbardhjen e skemës së aktivitetit të tyre kriminal.
Dy shqiptarët përgjegjës të ëktij trafiku droge janë arrestuar në Shqipëri falë bashkëpunimit me Interpol e me policinë shqiptare e pritet të kryhet së shpejti ekstradimi i tyre në Itali e vënia përballë drejtësisë italiane.
Lexo edhe:
Operacion ndërkombëtar antidrogë, 2 të arrestuar në Tiranë e Laç
