Bayern Munchen e ka fituar ndeshjen e parë me Lazion për 1/8-at e Champions Legaue me shifrat 1-4 dhe nesër, kur luhet sfida e kthimit, pritet të jetë thjesht një formalitet. Para kësaj ndeshje, e cila nis nesër në orën në 21:00 në “Allianz Arena” foli trajneri i Bayern, Hansi Flick.
”Kemi bërë mirë në ndeshjen e parë. Duam të fitojmë edhe të dytën. Coman dhe Neuer nuk janë stërvitur, nesër vendosim nëse do të jenë me grupin. Manuel ka një ftohje të lehtë, Kingsley ka probleme të lehta muskulore.
Do të duhet të presim dhe të shohim, por shpresojmë që ata të jenë në dispozicion nesër. Kemi ende kohë për të pritur, nesër i mësoni të gjitha.
Largimi i mundshëm i Boateng? Askush nuk më ka thënë gjë në lidhje me këtë, kështu që nuk mund të komentoj. Ai po bën shumë mirë në ndeshjet e fundit, ashtu si i gjithë ekipi. Hernandez, Davies dhe Pavard janë duke bërë mirë këtë sezon gjithashtu, ashtu si në vitin e shkuar.
Nubel nëse nuk luan 10 ndeshje largohet falas? Unë nuk kam informacion mbi klauzolat e lojtarëve. Nuk e di nëse ekziston një klauzolë e tillë, unë jam këtu për të vendosur se cili luan”, u shpreh Flick.
