Belind Këlliçi, një prej drejtuesve politikë të PD për Qarkun e Tiranës, ka denoncuar një tjetër episod për Agron Tafën, drejtorin e varrezave të Sharrës, vartës i Erion Veliajt.
Këlliçi shprehet se ndaj banorëve të një lagjeje në Sharrë, persona të panjohur i kanë prerë energjinë elektrike, duke lënë rrugët në errësirë.
“Dje reagova lidhur me kërcënimet me largim nga puna dhe joshjet deri në 150 euro që drejtori i varrezave të Sharrës Agron Tafa aplikon me vartësit e tij dhe banorët e Sharrës, në këmbim të votës për PS. Pikërisht tani, banorët më sinjalizojnë se kanë parë disa persona të presin telin që mundëson ndriçimin e rrugës së tyre. Kjo hakmarrje primitive e pushtetit të Agron Tafës do të marrë fund më 25 prill! Përgjegjësisë për këto akte nuk do t’i shpëtosh dot!”, shkruan Këlliçi, duke publikuar edhe videon e mëposhtme.
