Gjermania, Franca dhe Italia ndalojnë vaksinën AstraZeneca, Bino: Studimet thonë se është e sigurtë

Vaksina AstraZeneca është efikase dhe e sigurtë për t’u injektuar tek të gjithë personat mbi 18 vjeç.

Veç organizmave zyrtare shendetësore europiane edhe ekspertët e vaksinimit në Shqipëri sigurojnë se AstraZeneca është e provuar klinikisht se nuk krijon asnjë problem shëndetësor.

“Është një vaksinë tepër efektive. Janë kryer vlerësime ehe në botën reale si në Angli edhe në Skoci, të cilat kanë treguar efikasitetin dhe sigurinë e vaksinës pas provave klinike”, thotë shefja e Departamentit të Epidemiologjisë pranë ISHP-së, Silva Bino.

Pas mësuesve, AstraZeneca do të injektohet dhe tek të moshuarit. Bino hedh poshtë aludimet se vaksina shërben vetëm për grupmosha të caktuara.

“Provat klinike treguan që kjo vaksinë është efikase edhe në grupmoshën mbi 55 vjeç.

Kjo është arsyeja pse Komiteti i Ekspertëve në Gjermani, Itali dhe në Francë e kthyen vendimin e tyre dhe vaksina rekomandohet 18 vjeç e lart”. /Tv Klan