Partizani fitoi në derbi me rezultatin 2-1 ndaj Tiranës. Ndeshja u vendos nga golat e shënuar nga Belica, Bardhi, ndërsa për Tiranën shënoi Hoxhallari. Për të folur për këtë sukses të skuadrës së tij presidenti i klubit Gaz Demi ishte i ftuar në emisionin “Rubrika Sportive”, ku natyrisht foli për ndeshjen por edhe më gjerë.
Daja? “Sa të jem unë në krye të Partizanit do të jetë trajner Ilir Daja pasi nga ana ime kemi një projekt afatgjatë. Nëse nuk kam më fuqi për ta përballuar, ngre duart lartë dhe e shes klubin, por sa të jem unë dalim në pension me Dajën si trajner. Sa herë dëgjoj këta ekspertët që komentojnë lojën tonë qesh.
Arbitrimi? Deri sot nuk jam marrë asnjëherë me gjyqtarët. Arbitrimi në Shqipëri është poshtë nivelit të mestares. Kur janë gabime I kuptojmë, por unë I bëj thirrje që të jenë të qetë pasi lënë për të dëshiruar. As me VAR nuk zgjidhen këto situata pasi edhe aty njerëzit janë. I kemi parë edhe në Europë që VAR ka dështuar. Në derbi siç thonë të gjithë ishte penallti rasti I Asanit. Faullin e golit ishte 50-50 dhe këtë e kanë thënë të gjithë ekspertët.
Çështja e kompleksit Partizani? “Për të folur për kompleksin duhet një të flasim gjithë emisionin. Historia e Partizanit është e turpshme pasi e dinë të gjithë që unë kam marrë vetëm një stemë të Partizanit edhe në Kategori të Dytë. Kam sakrifikuar paratë e familjes time. Hoteli dhe stadiumi kanë mbaruar pothuajse, por duhen disa burokraci.
Është e turpshme që ne kemi ngelur për diçka gjëra të vogla burokratike ordine. Nuk është vetëm shtëpia e Partizanit, por I vlen Shqipërisë. Ajo mund të jetë gjëja më e madhe që politikanë të vlerësojnë pasi është një fushë edukimi për fëmijët. Nuk vlen të vazhdoj për këtë punë sepse ka ngelur për diçka të vogla që duhet një emision investigative.
Liga profesioniste për mendimin tim nuk duhet të jetë fare. Kam folur direkt me presidentin Duka që skuadra fiton titullin kampion të marrë një shifër prej 100 milionë lekësh dhe është e turpshme. Edhe presidenti ka dëshirë për ta rritur këtë shumë pasi është e turpshme që një ekip kampion të marrë këtë shifër që nuk mbulon shpenzimet e një muaji të vetëm.
Sezonin e kaluar ne ishim para Tiranës, por në fund ishte Tirana që fitoi. Këtë sezon, Tirana është 7 pikë larg dhe pa I bërë qejfin është në garë për titull. E ka më të vështirë se ne 4 ekipet që jemi në krye”.
Rivalët për titull? “Mendoj që Laçi ka një ekip të fortë dhe serioz, shpresoj që ne të shkojmë deri në fund afër Laçit. Kemi një ndeshje direkt, kemi edhe këtë në Kupë”.
