Yusuf Demir është vetëm 17 vjeç, luan si mesfushor ofensiv dhe është pjesë e Rapid Vienna. Pavarësisht moshës së re, adoleshenti i talentuar është kthyer në titullar fiks të ekipit të tij (6 gola këtë sezon) dhe numëron 3 ndeshje me Austrinë U21.
Interesimi për shërbimet e lojtarit është i madh. Manchester United, Manchester City dhe Barcelona po e monitorojnë, teksa ka interesim të madh edhe nga Bundesliga. ESPN raporton se Bayern Munchen dhe Dortmund i kanë kërkuar Rapidit informacion mbi Demir.
Ky i fundit cilësohet si e ardhmja e futbollit austriak. Lojtari ofensiv (luan mirë edhe në krahët e sulmit) ka kontratë me Rapid Vienna deri në verën e vitit 2022, teksa kartoni i tij vlerësohet rreth 10-15 milion euro.
