AstraZeneca ka vendosur të reduktojë drastikisht furnizimin e vaksina kundër koronavirusit në vendet e Bashkimit Europian, raporton Reuters.
“AstraZeneca me keqardhje njofton se do të ketë mungesa në dërgesat e planifikuara të vaksinave kundër Covid-19 në Bashkimin Evropian, pavarësisht nga puna e palodhur për të përshpejtuar furnizimet”, thuhet në një deklaratë të lëshuar nga kompania farmaceutike anglo-suedeze.
Deklarata pasoi kritika publike. Në Bruksel, një zyrtar i BE tha për ANSA se kompania nuk po e merr seriozisht angazhimin e marrë.
“AstraZeneca është larg sasisë së dozave që duhej të kishte shpërndarë. Ne nuk besojmë se po bën gjithçka për të respektuar angazhimet e saj dhe për këtë arsye do të analizojmë të gjitha masat e mundshme që duhet të merren”, ka thënë një burim i BE-së, pas njoftimit zyrtar për shkurtime të reja nga AstraZeneca.
Në BE deri tani janë injektuar 5 milionë doza të vaksinës Astrazeneca të Universitetit të Oksfordit. Miliona të tjera janë bërë në Mbretërinë e Bashkuar.
Në Danimarkë, Suedi, etj., është pezulluar vaksinimi me Astrazeneca. Ndërsa në SHBA, 100 milionë doza mbeten në magazina pasi autoritetet amerikane hezitojnë të miratojnë vaksinimin e popullatës me këtë vaksinë.
Vaksina e AstraZeneca ruhet në temperaturë 2 deri 8 gradë. Ajo gjendet në flakonë 5 me ku ka 10 doza me nga 0.5 me për një individ. Doza e dytë e saj mund të merret pas 8 deri 12 javësh.
